從今以後（38）* 尋找我的 the one 婚鞋

1/29/2018

從今以後（38）* 尋找我的 the one 婚鞋

因為我生得不矮，男友也不算好高，所以就算我想著三四吋高跟鞋，拍埋影相都不太好看，還是我顯得佢高大威比較緊要，所以我一心找 1.5-2 吋的婚鞋

一路都找不到啱心水的，因為吸睛的多數是高的鞋 >< 另外我也不希望花太多錢在婚鞋上，所以 jimmychoo 等名牌太貴了我都無睇過。

後來遇到 davids bridal 大減價，竟然我一直好鐘意那對 white by Vera Wang 大減價！減到 $30usd！雖然四吋咁高，我都唔理了！即刻叫美國的家人幫我買！呢對鞋是我當時心入面排 no.1 的 the one，真是好 trendy 又 elegant！點襯都得！

可惜真是太高，正式巴黎 pw 和 bigday 最後都無著到，只在團購 pw 和 bridal shower 時有著過來拍照，也算是出現過的。

之後影巴黎 pw 前，發現要面對現實，因為拍埋男友度真是不可以著太高！周圍搵，都沒有啱心水，最後在搵男禮背心時喺金都搵倒對不錯看的香檳金色 1.5 吋，夠簡單！只是$150，用來當 pw 道具也不錯！雖然影 pw 只穿了五分鐘左右（其他時間是著拖鞋，哈哈！）。最後也只有一張遠遠的相拍到這雙鞋。

後來有一晚上網找其他結婚的資料時，又念念不忘我的婚鞋還未有定案，結果就變了上網睇鞋！竟然見到 Badgley Mischka 有 1.5 吋，而且只係 $73.5（原價$275usd），又有我碼！同妹商量後，雖然本身係想搵opentoe，不過妹話 opentoe + low heel 會變娘，也真！所以決定要返密頭，家姐也說密頭感覺高貴點！