從今以後（7）* MUA Nicmakeup

big day 化妝對所以新娘來說都是很重要的一個項目，我自己去過好幾次婚禮飲宴，真的有點不認得新娘子！有些化得太濃，有些大眼妝太過份！嚇走人。。。。。

我對化妝都做左好多功課，身邊無乜朋友結婚先過自己，根本無 reference 可參考，只有問同期結婚的朋友的心水，再諗諗自己覺得什麼是重要的，再考慮一下

我考慮的因素有:

1。價錢

價錢當然是主要因素。太便宜的就肯定不好！太貴的又負擔不來(>_<)

所以我定了budget是$8000-12000，全日或2+6小時都可以，因為太早決定，還未知自己當天的行程，所以以$8000來找合適的mua就應該差不多

2。化妝自然

說過好幾次了，自然當然是主要因素啦^_^ 不過太韓式我又不喜歡喔，沒有血色在bigday不太好看呢！

3。髮型和髮飾

髮型也很重要，我很怕放一個玫瑰花上頭頂，又或者盤了頭成個大長今咁！而且我非常唔喜歡bigday用髮飾，很容易娘和過氣，用鮮花才是永恆不變的美，但鮮花也不是個個 mua 都識用或者處理得好好，而我選擇的mua，是我做了好多功課，在心水muas中用花用得最出神入化的！無論哪一個角度影相都有花，但又唔會覺得太多花，花多眼亂的！

4。試妝感覺

其實我對試妝的髮型無乜要求，因為我肯定當天會根據我的裙而改變，所以只需要睇個妝靚唔靚，mua熟唔熟手就可以了！而佢同我啱唔啱傾，不重要，只要大家保持禮貌客氣就夠了！

結果我只試了一個mua就決定了！由試妝到結婚足足超過一年，期間我不斷同 mua Nicole what's app，佢非常有耐性而且覆得好快，好多問題都答到我！當日我只需要2+6小時的plan，只要$8000左右，但後來追加提早費和的士費用等等。

結婚當天亦都無令我失望！褂頭，註冊，迎賓，進場，敬酒，全部都化得我超美的！當日 Nicole 也和我有商有量，有些事我想不通也會為我提出意見！當日我的姐妹已是一眾美人兒，我也曾擔心被姐妹們的美貌比下去，不過 Nicole 真的把我化得好美，一點風頭都無被搶！下一篇再看我的四個造型！