SOhaha 虎蝦生產日記

產後休息了一星期，才終於有返啲體力和精神

那個星期三，難忘的一天，生咗第二個仔

早上5am大蝦醒咗，去廁所見紅，其實得幾條血絲，上胎SO蝦哲逾期居留催生完全無經歷過見紅穿水陣痛，所以唔係好sure要唔要去醫院。搞埋大蝦瞓返，打俾產房問問就去醫院。雖然本身個心理準備係下星期催生，前一晚仲諗緊去邊度食好西。但第二胎怕產程太快，我都不敢怠慢

7am去到產房，只係1度😅教授話睇吓晏啲有無動靜。太早起身，好眼瞓，睏到12n都無動靜，開得2度。教授來到就幫我人手穿水，再打催生藥。剛好飲完最後一杯凍啡😛 3pm開始陣痛，聞笑氣，終於開5度

上胎打宇宙最偉大發明無痛 epidural，今胎我都爭札咗糾結咗好耐，雖然好想打，但橫掂第二胎個個都話好快生得出，我就把心一橫唔打無痛，試吓聞笑氣靠自己生💪🏻

本身5pm都無咩進展，有陣痛就聞下笑氣，都頂得住。上胎等打無痛之前都經歷咗一個鐘陣痛，嗰一個鐘真係就快過身👼🏻，今次聞住笑氣又原來頂得到，不過就唔做得無痛分娩咁舒適～ 點知到到5:30突然開到9度，到到最後10分鐘佢哋唔再比我聞笑氣，嗰10分鐘超勁辛苦，不過push咗無幾下，6點多啲，8磅虎蝦出世啦🐯

之後就繼續喺產房休息，點知我嘅痛苦還未完

到到8pm，望住好大個月亮，都開始感覺到自己流好多血，子宮收縮勁痛。姑娘幫我檢查完之後我已經開始極暈，初初我以為自己係肚餓。教授來到話要即刻同我入手術室止血，我極力反對但係教授都話要做😭奴都好擔心叫我做😢不情不願，人生第一次打橫入手術室😔以為MAC，入到去麻師話要同我GA⋯⋯我無打EA換來GA😭好在無bleeding，好快做完出返嚟無再流血了。教授話我 blood loss 1500ml，第二日hb跌咗3度，個人暈足幾日

好記得自己未醒透在recovery還是一直擰頭喊哂

唔想入OT唔想做唔想做，

好在蝦爸一直在我隔離

Midnight前回到產房觀察，漫長的一天過了，

蝦爸笑話今晚我哋享受一下staycation的感覺

孕期極辛苦，產程有點不幸運不順利，

不過，虎蝦健康就好，母子平安就好

虎蝦，welcome to our world 😊 papamama love you